Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

उकालो यात्राका कुरा

         ||   198 Views   ||   Published Date : 22nd May 2013 |

tikaram udasi

टीकाराम उदासी

कहिल्यै नबिर्सनू
र, सुन्नू ध्यान दिएर कि
हामी अपर्ूव साहसका साथ
हिडेरै आएका हौँ यहाँसम्म
नपत्याए सोध्नू तिनीहरुलाई
साक्षी छन् आकाशका जूनताराहरु
त्यो अनन्त फैलिएको क्षितिज पनि साक्षी छ
साक्षी छन् उस्तै
आकाशतिर फर्केर उभिएका हिमालहरु
स्वाभिमानको पहरा बसिरहेका पहाडहरु
तल-तल बगिरहेका नदी र खोलाहरु
धेरै-धेरै जङ्गलहरु र जङ्गलका रुखहरु
हामीले पसिना पुछ्दै बिसाएका चौतारीहरु
सबै छन् हाम्रा यात्राका साक्षी
सुस्केरा काट्दै छिचोलेका भञ्ज्याङहरु
उकालो चढ्दै र झर्दै गरेका कैयौं बटुवाहरु
आकाशमा एकनाससँग उडिरहेका चराहरु
विकट पखेरामा हाँसिरहेका वनफूलहरु
पीडाका गीत गाइरहेका झरनाहरु
सबै-सबै छन् हाम्रो यात्राका साक्षी
आधारशिविरबाटै हिडेर
यतिबेला
आइपुगेका छौँ हामी धेरै माथि
बाटामै सहिद भएका छन् धेरै साथीहरु
ब्ााटामै पोखिएका छन् धेरै पसिना र मेहनत
ब्ााटामै लेखिएका छन् दुःख र सङ्र्घष्ागाथा
ब्ााटामै छुटेका छन् धेरै अनुहारहरु
अवश्य अझै भेटिएको छैन
हामीले भेट्नुपर्ने फराकिलो र उज्यालो गन्तव्य
अवश्य अझै सकिएको छैन
हामीले सक्नुपर्ने उन्मुक्ति र स्वाभिमानको यात्रा
तर यात्रा निरन्तर जारी छ हाम्रो अझै
अनवरत चढिरहेछौं हामी उकालो
यति धेरै माथि चढिसकेपछि
कसैले
फेरि उही आधारशिविरमै फर्किएर
नयाँ यात्रा गर्ने कुरा गर्छ भने
अस्वीकार्य छ हामीलाई त्यस्तो दृष्टि
यति धेरै अनुभवका पुस्तकहरु प्ढिसकेर
कसैले
फेरि उही वर्ण्र्ााला सिकाउने कुरा गर्छ भने
अस्वीकार्य छ हामीलाई त्यस्तो शिक्षा
यसकारण कि
इतिहासको कुनै दस्तावेजमा
दिग्विजयको झण्डा बोकेर हिड्नेहरु
कहिल्यै पछाडि फर्किएका छैनन्
युगयात्राको कुनै अभिलेखमा
उकालो चढिरहेका पाइलाहरु
कहिल्यै ओरालो फर्किर्एका छैनन्
बरु
आऊ सबै-सबै पाइलाहरु
उत्साहपर्ूवक
यहाँबाट अझै अगाडि बढ्ने कुरा गरौं
बरु
आऊ सबै-सबै यात्रीहरु
साहसपर्ूवक
निरन्तर-निरन्तर उकालो चढ्ने कुरा गरौं
बरु
आऊ सबै-सबै, अझै एकपल्ट
संसारभरिका भुइँमान्छेहरुका उन्मुक्तिका कुरा गरौं
उनीहरुले देखिरहेका उज्याला सपनाका कुरा गरौं ।

Leave a Reply

Your email address will not be published. Required fields are marked *

समरेखा म्यागजिन (द्वैमासिक) लागि


सम्पादक
लक्ष्मी आचार्य





Ghorahi-10 Dang, Nepal
Email: magazinesamarekha@gmail.com
Phone: +977-082-560084
Web: www.samarekha.com.np