Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

आमा र घाम

         ||   396 Views   ||   Published Date : 27th September 2013 |

 

harimaya bhetwal..kabitaहरिमाया भेटवाल

भर्खर शिशु जन्माएकी आमा
र उदाउँदो घाम किन उस्तै लाग्छ
मलाई ?
घामले पृथ्वी देखेपछि
र मान्छेले भूगोल टेकेपछि
किन उस्तै लाग्छ घाम र मान्छे ?

घामसँग कम्पास छ समयको
मान्छे कम्पास बनिरहन्छ
मान्छेभित्र आकाशजत्रै विश्वास छ घामको
घाम परिक्रम गरिरहन्छ
आमाले सन्तान हुर्काएझैं
घामले पनि हुर्काएको छ
कैयन, आँप, अम्बा र धानका बोटहरु
राति सुताएजसरी आमाले काखमा
ऊ पनि सुताउँछ र बिस्तारै जान्छ
कुनै अर्को देश ब्यूँझाउन
र दउखाउँछ सिक्काको दुई पाटो जीवन

मलाई थाहा छैन
उता कत्तिको क्रियाशील हुन्छन् मान्छेहरु
पेटको लागि वा सपनाकोलागि…..
यताजस्तै खोलाकिनारमा बसेर
हथौडाले चिसो ढुंगा फोर्छन् कि फोर्दैनन् होला उता मान्छेहरु ?
सन्तान जन्माउने अस्पताल नदेखी
डोकोमै सास छोड्छन कि छोड्दैनन होला
उताका सुत्केरीहरु ?
भोकको आगो निमाउन नसकेर
कुवामा हामफाल्छन् कि फाल्दैनन्
होला उताका आमाहरु ?
कठै
यता कहिल्यै पुग्दैन चिसो चुलोमा देश
कहिल्यै दुख्दैन अभावमा र मृत्युमा देश
मलाई थाहा छैन उताको देश कस्तो छ
बस् मलाई त यति मात्र थाहा छ
यताजस्तै उदाउँछ होला घाम उता पनि
यताजस्तै फेर्छन होला मान्छेले सास उता पनि
पानी उसरी नै पर्छ होला,
हावा उसरी नै चल्छ होला
जीवनको उकाली— ओरालीहरुमा
घाम उदाएसम्म गर्भधारण गरिरहन्छन् आमाहरु
र जन्मिरहन्छ होला धर्तीमा सुन्दर घामहरु………।

(सन् २०१३ मा अन्तराष्टिय पुरस्कार प्राप्त कविता । नेपाल लगायत विश्वका १८ देशका कविहरुबीच गरिएको प्रतिस्पर्धामा भेटवालको यो कविता सबैभन्दा उत्कृष्ट ठहरिएको थियो ।)

2 Responses to आमा र घाम

  1. madhukar thapa magar Reply

    October 7, 2013 at 8:53 am

    Sarai yatharth parak kabita…..congratulations sis harimaya jee. Utkrishta kabiyatri hunu vayako ma dherai dherai badhai………

  2. Pingback: कविता : आमा र घाम - साहित्य संग्रहालयसाहित्य संग्रहालय

Leave a Reply

Your email address will not be published. Required fields are marked *

समरेखा म्यागजिन (द्वैमासिक) लागि


सम्पादक
लक्ष्मी आचार्य





Ghorahi-10 Dang, Nepal
Email: magazinesamarekha@gmail.com
Phone: +977-082-560084
Web: www.samarekha.com.np